حلال جانور
کے حرام اجزاء کا شرعی حکم
سوال: کیا
فرماتے ہیں علماء کرام اس مسئلہ میں کہ حلال جانور کے کتنے اجزاء حرام ہیں اور بکرے
وغیرہ کے کپورے بعض لوگ ناواقفی سے بہت کھاتے ہیں ان کا کھانا حلال ہے یا حرام؟ اور
اوجھڑی کا کیا حکم ہے۔
الجواب
بعون الوھاب
قرآن
و سنت کی روشنی میں حضرات محققین اہلسنّت رحمۃ اﷲ علیہم نے حلال جانور کے سات اجزاء
کا کھانا حرام شمار کیا ہے ملاحظہ ہوں (۱) بوقت ذبح
بہنے والا خون (۲) پتہ (۳) مثانہ
(۴) غدود (۵) مادہ
کی پیشاب گاہ (۶)نر کی پیشاب گاہ (۷)کپورے۔
و فی الشامیہ:
ما یحر م اکلہ من اجزاء الحیوان الماکول سبعۃ الدم المسفوح والذکر والانثیان والقبل
والغدۃ والمثانۃ والمرارۃ․ (ج۵ ص۲۱۹ قبیل کتاب
الاضحیۃ)۔
فقہ
اسلامی کی دیگر کتب میں بھی ان مذکورہ سات چیزوں کا استعمال شرعاً ناجائز قرار دیا
گیا ہے حوالہ جات ملاحظہ ہوں: (۱) بدائع
الصنائع ج۵ ص۶۱ کتاب الذبائح
(۲) البحرالرائق ج۸
ص۴۸۵ (۳) فتاویٰ عالمگیریہ ج۵
ص۳۹۰ (۴) طحطاوی علی الدر ج۴
ص۳۶۰۔
اسی
طرح درج ذیل کتب احادیث میں بھی مذکورہ سات چیزوں کا کھانا شرعاً منع قرار دیا گیا
ہے: (۱) مصنف عبد الرزاق ج۴
ص۵۳۵ (۲) سنن کبریٰ للامام بیھقی ج۱۰ ص۷ (۳) کتاب الاٰثار ص۱۷۹(۴) مراسیل
ابی داوٗد ص۱۹ (۵) الکامل لابن عدی ج۵
ص۱۲ (۶) الجامع الصغیر حدیث ۷۱۲ (۷) المعجم
الاوسط للطبرانی حدیث ۹۴۷۶۔
لہٰذا
بکرے وغیرہ کے کپورے کھانا، پکانا، بیچنا شرعاً حرام ہیں۔ اس غلاظت اور گندگی کے کھانے
سے ہر مسلمان کو بچنا شرعاً واجب ہے۔
و
فی القاموس الفقہی: المکروہ تحریما عند الحنفیۃ ھو ماکان الی الحرام اقرب و یسمیہ محمد
حراما ظنیاً․
(ص۳۱۸ تحت حرف
الکاف)۔
البتہ اوجھڑی
شرعاً حلال ہے۔ (امداد الفتاویٰ ج۴ ص۱۰۲،فتاویٰ رحیمیہ ج۱۰
ص۷۸جدید، نعمۃ الباری شرح صحیح بخاری ج۱ ص۷۰۵ باب ۶۹)۔
………………………… فقط واللّٰہ
یقول الحق وھو یھدی السبیل
حرّرہٗ
العبد محمد اعظم ہاشمی غفرلہٗ الغنی
۲۳ ؍رمضان المبارک ۱۴۲۸ھ
تصدیق
محقق العصر
حضرت مولانا مفتی سیّد عبدالقدوس ترمذی صاحب مدظلہم العالی
۔(صدر
دارالافتاء جامعہ حقانیہ ساہیوال ضلع سرگودھا)۔
الجواب
صحیح
احقر عبد
القدوس ترمذی غفرلہٗ
جامعہ حقانیہ
ساہیوال سرگودھا
۱۴۲۸/۱۰/۲۸ھ
No comments:
Post a Comment