نمازی کے
سامنے گیس یا بجلی کا ہیٹر ہونا
سوال:
موسم سرما میں مساجد کے اندر نمازی کے سامنے والی دیوار میں پیوست یا سجدہ کی جگہ فرش
پر سوئی گیس یا بجلی کے ہیٹر رکھے ہوتے ہیں، اس صورت میں نماز کی ادائیگی کا کیا حکم
ہے، مکروہ ہے یا نہیں؟
الجواب
باسم القادر الوھّاب
صورت
مسؤلہ میں نماز بغیر کراہت کے درست ہے اس لیے کہ کراہت کی علت (وجہ) مجوسیوں (آگ پرستوں)
کی عبادت سے مشابہت ہے جبکہ یہ وجہ بجلی یا گیس کے ہیٹر میں ثابت نہیں کیونکہ قومِ
مجوس ایسی آگ کی پوجا کرتی تھی جو انگاروں والی ہو اور اس صفت سے مذکورہ بالا ہیٹر
خالی ہیں اس لیے نماز بلا کراہت صحیح ہے۔
و
الدلیل علی ما قلناہٗ ما ھو فی القنیۃ: و لا یکرہ الصلوٰۃ مستقبل السراج المتقد (خج)
الصحیح انہ لا یکرہ ان یصلی و بین یدیہ شمع او سراج لانہ لم یعبدھما احدٌ و المجوس
یعبدون الجمر لا النار الموقدۃ۔ (ص۱۴۹، کتاب
الکراھیۃ و الاستحسان …… و کیفیات الصلوٰۃ و احوال المصلی)۔
اگر
قبلہ کی دیوار کے بجائے دائیں، بائیں، یا پیچھے کی دیوار پر ہیٹر لگا لیے جائیں تو
زیادہ بہتر ہے کیونکہ نمازی کے سامنے کسی بھی ایسی چیز کا ہونا جو نماز سے توجہ ہٹانے
کا سبب بنے بہتر نہیں ہے اگر سامنے بھی لگے ہوئے ہیں تو جھگڑا نہ کرنا چاہیے کیونکہ
اس میں بھی کراہت نہیں۔ فقط واللّٰہ اعلم بالحق المبین
حرّرہٗ الراجی عفو
ربہ القوی المدعو بمحمد اعظم ہاشمی غفرلہٗ الغنی
دارالافتاء جامعہ حقانیہ
ساہیوال سرگودھا
۱۱؍ذیقعدہ ۱۴۱۹ھ
……تصدیقات……
(۱)فقیہ العصر حضرت مولانا مفتی سیّد عبدالشکور ترمذی نوراللّٰہ
مرقدہٗ
۔(دارالافتاء
جامعہ حقانیہ ساہیوال ضلع سرگودھا)۔
الجواب
صحیح
سیّد عبدالشکور
ترمذی عفی
عنہٗ
(۲)محقق العصر حضرت مولانا مفتی سیّد عبدالقدوس ترمذی صاحب
مدظلہم
۔(دارالافتاء
جامعہ حقانیہ ساہیوال ضلع سرگودھا)۔
الجواب
بھذ التفصیل صحیح و النزاع بعد ذالک قبیح
احقر عبدالقدوس
ترمذی غفرلہٗ
۱۱؍۱۱؍۱۹ھ
(۳)شیخ الاسلام حضرت مولانا مفتی محمد تقی عثمانی صاحب مدظلہم
۔(دارالافتاء
جامعہ دارالعلوم کراچی)۔
الجواب
صحیح
احقر محمد
تقی عثمانی عفی
عنہٗ
۲۳؍۱۱؍۱۴۱۹ھ
(۴)حضرت مولانا غلام مصطفی صاحب
۔(دارالافتاء
جامعہ اشرفیہ لاہور)۔
الجواب
صحیح
غلام مصطفی
غفرلہٗ
دارالافتاء
جامعہ اشرفیہ لاہور
۲۳؍۱۱؍۱۴۱۹ھ
No comments:
Post a Comment